Божая прысутнасць
Біццё майго сэрца, дыханне, рух маіх думак –
знакі таго, што Бог працягвае мяне ствараць.
Я спыняюся на імгненне і стараюся ўсвядоміць
гэтую прысутнасць Бога ўва мне.
штодзённая малітва - 2023-11-24
Свабода
Мала хто ўяўляе, што Бог зрабіў бы з іх,
калі б яны аддалі сябе цалкам у Яго рукі
і дазволілі Яго міласці фармаваць сябе (св.Ігнацый).
І я прашу ласкі цалкам даверыццца
Божай любові.
Усведамленне
У якіх сферах свайго жыцця
я сустракаю надзею, падбадзёрваюся,
бачу перспектывы росту?
Прыгадваючы мінулыя некалькі месяцаў,
ці не адчуваю я, якая дзейнасць і якія падзеі
прыносілі багаты плён?
Калі так, то я прымаю рашэнне
прысвячаць ім больш часу
і магчымасцяў у будучым.
Слова Божае
Лк 19:45-48
Езус увайшоў у святыню і пачаў выганяць гандляроў, кажучы ім: Напісана: дом Мой ёсць домам малітвы, а вы зрабілі з яго логава злодзеяў.
І штодня вучыў у святыні. Але першасвятары, і кніжнікі і старэйшыя народу шукалі, як забіць Яго. І не знаходзілі, што ўчыніць Яму, бо ўвесь народ, затаіўшы дыханне, слухаў Яго.
Разважанні да сённяшняга Слова Божага
Active
Default
- Чытаючы сённяшні ўрывак, паразважай аб тым, што Езус жадае сустрэцца з табой у пакоі сэрца – тваім “доме малітвы”. Самі таго не разумеючы, мы часта загрувашчваем гэтую прастору неістотнымі рэчамі. Вялікі дар – ведаць Пана і спрабаваць супрацоўнічаць з Ім, калі Ён прапануе вызваліць месца для таго, што сапраўды мае значэнне для жыцця.
- Людзі слухалі, затаіўшы дыханне. Калі я слухаю слова Божае або чытаю сам, мне трэба ставіцца да яго так, быццам я ніколі раней не чуў і не бачыў. Слова прыходзіць да мяне свежым, сапраўдным, кожны дзень. Яно нібы хлеб, толькі што выняты з печы, здольны накарміць мяне на ўвесь дзень.
Размова
Ці кранула Мяне Божае Слова?
Ці сёння пакінула мяне халодным?
Можа, суцешыла мяне?
Прымусіла змяніць мае паводзіны?
Я ўяўляю, як Езус стаіць
або сядзіць побач са мной,
і я дзялюся з Ім маімі пачуццямі.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ