Божая прысутнасць
Божа, дапамажы мне
быць жывым
у Тваёй святой прысутнасці.
Агарні мяне сваёй любоўю.
Няхай маё сэрца будзе адзіным з Тваім.
штодзённая малітва - 2023-10-01
Свабода
Многія краіны ў гэты момант
пакутуюць ад войнаў.
Я схіляю галаву,
дзякуючы за сваю свабоду.
Я малюся за ўсіх
зняволеных і палонных.
Усведамленне
Пане, Ты даў мне начны сон, каб адпачыць.
Падчас дзённай актыўнасці
не дазволь мне забывацца пра Тваю дабрыню.
Навучы мяне дзяліцца з іншымі Тваімі дарамі.
Слова Божае
Мц 21:28-32
Езус сказаў першасвятарам і старэйшынам народу:
Як вам здаецца? У аднаго чалавека былі два сыны. Прыйшоўшы да першага ён сказаў: Сыне, ідзі і працуй сёння ў вінаградніку. Але той адказаў: Не хачу! А пасля, апамятаўшыся, пайшоў. Тады ён падышоў да другога і сказаў тое самае. Той жа сказаў у адказ: Ужо іду, спадару. І не пайшоў. Каторы з двух выканаў волю бацькі? Кажуць Яму: Першы.
Тады Езус кажа ім: Сапраўды кажу вам, што мытнікі і распусніцы наперадзе вас ідуць у Валадарства Божае. Бо прыйшоў да вас Ян шляхам справядлівасці, і вы не паверылі яму. А мытнікі і распусніцы паверылі яму. Вы ж, убачыўшы, не апамяталіся пасля, каб паверыць яму.
Разважанні да сённяшняга Слова Божага
Active
Default
- Езус просіць нас задумацца, ці супадаюць нашы словы і ўчынкі. Лёгка казаць, прамаўляць і рабіць заявы. Цяжэй ахвяраваць час, сілы і ўвагу. Я вызнаю сваю веру не толькі ў нядзелю на словах, але і працай на карысць Божага Валадарства на працягу тыдня. Езус больш цэніць некалькі маленькіх учынкаў, чым мноства прыгожых слоў.
- Пане, Ты ўвесь час запрашаеш мяне да паўнаты жыцця. Я малюся, каб праз “Прастору малітвы” мая вера ў Цябе станавілася ўсё больш глыбокай і каб яна магла выражацца ў маім жаданні служыць іншым.
Размова
Якія пачуцці нараджаюцца ўва мне,
калі я малюся
або разважаю над Словам Божым?
Я ўяўляю, як Езус стаіць або сядзіць
побач са мной,
і адкрываю Яму сваё сэрца.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ