Божая прысутнасць
Божа, Які любіш мяне,
дапамажы мне
быць адкрытым на Цябе зараз,
калі я адклаў клопаты гэтага свету.
Напоўні мае думкі Тваім спакоем,
Тваёй любоўю.
штодзённая малітва - 2023-09-22
Свабода
Калі Бог пажадае мне нешта сказаць,
ці зразумею я?
Калі Бог будзе суцяшаць альбо выпрабоўваць мяне,
ці я здолею заўважыць?
Я прашу аб ласцы быць свабодным
ад сваёй прадузятасці
і адкрыццца на ўсё, што Бог хоча мне сказаць.
Усведамленне
У якіх сферах свайго жыцця
я сустракаю надзею, падбадзёрваюся,
бачу перспектывы росту?
Прыгадваючы мінулыя некалькі месяцаў,
ці не адчуваю я, якая дзейнасць і якія падзеі
прыносілі багаты плён?
Калі так, то я прымаю рашэнне
прысвячаць ім больш часу
і магчымасцяў у будучым.
Слова Божае
Лк 8:1-3
Езус праходзіў па гарадах і вёсках, прапаведуючы і абвяшчаючы Добрую Навіну аб Валадарстве Божым. І былі з Ім Дванаццаць, а таксама некаторыя жанчыны, аздароўленыя ад злых духаў і хваробаў: Марыя, называная Магдаленай, з якой выйшла сем дэманаў; Яна, жонка Хузы, чыноўніка Ірада; Зузана і шмат іншых, якія дапамагалі ім маёмасцю сваёю.
Разважанні да сённяшняга Слова Божага
Active
Default
- Пане, памятаюць дванаццаць апосталаў. Пра жанчын часта "забываюць", аднак, калі б ім надалі роўную ўвагу, гэта выклікала б здзіўленне ў габрэяў. Яны былі таксама сярод Тваёй вандроўнай групы, не проста падтрымліваючы, але і рызыкуючы сваёй рэпутацыяй, выпраўляючыся ў дарогу з мужчынамі. Для групы жанчын, у тым ліку такіх моцных, як Яна, і былых грэшніц, такіх як Магдалена, пакінуць дом і падарожнічаць з настаўнікам было скандалам. Яны ўвасабляюць любоў і мужнасць вялікіх хрысціянскіх жанчын на працягу стагоддзяў.
- Прысутнасць жанчын сярод вучняў Езуса была супрацькультурнай і вельмі незвычайнай. Адной была жанчына, якую мучылі дэманы, а другая была з атачэння Ірада, што было падазроным. Езус прыйшоў, каб пакласці канец статус-кво і ўсталяваць новы лад. Ён пайшоў супраць многіх звычаяў культуры і рэлігіі, калі яны супярэчылі яго любові і справядлівасці, і сяброўства Яго з жанчынамі было адным з важных знакаў перамен.
Размова
Дар мовы – цудоўны дар.
Дапамажы мне, Пане, карыстацца ім добра.
Няхай жа не злятаюць з майго языка
гнеўныя, крыўдныя словы.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ