Божая прысутнасць
На імгненне я спыняюся
і думаю пра любоў і ласку,
што спасылае на мяне Бог,
Які стварыў мяне на Свой вобраз і падабенства,
які зрабіў мяне Сваёй Святыняй...
штодзённая малітва - 2023-09-20
Свабода
Я прагну ўбачыць вачамі веры,
якім я мог бы быць і што рабіць,
калі б толькі дазволіў Богу,
майму любячаму Творцу,
працягваць ствараць, вясці і фарміраваць мяне.
Усведамленне
Я задаю сабе пытанне,
што сёння адбываецца ўнутры мяне.
Ці я занадта стаміўся,
засмучаны або не ў настроі?
І калі гэта так,
ці ў стане я забыцца пра тое,
што мяне непакоіць?
Слова Божае
Лк 7:31-35
Пан сказаў: З кім параўнаю людзей роду гэтага? Да каго яны падобныя? Яны падобныя да дзяцей, што сядзяць на рынку і клічуць адно аднаго, кажучы: Мы гралі вам на жалейцы, а вы не плясалі; мы спявалі жалобныя песні, а вы не плакалі.
Прыйшоў Ян Хрысціцель, які не еў хлеба і не піў віна, а вы кажаце: У ім злы дух. Прыйшоў Сын Чалавечы, які есць і п’е, а вы кажаце: Гэты чалавек — абжора і п’яніца, сябра мытнікаў і грэшнікаў. Але апраўдана мудрасць ўсімі дзецьмі сваімі.
Разважанні да сённяшняга Слова Божага
Active
Default
- Бог хоча, каб мы радаваліся жыццю. Мы павінны шанаваць сяброўства, сужэнства і сям'ю, дзяцей, дасягненні і прыемныя штодзённыя дробязі. Бог запытае нас напрыканцы: «Ці радаваўся ты Майму стварэнню?» Ён чакае, што мы адкажам: «Так!»
- Але ў жыцця ёсць і іншы бок. Мы павінны ісці за Езусам. Мы павінны ўдзельнічаць ў ламанні Хлеба і выпіць келіх Яго цярпенняў. Езу, я без ахвоты падзяляю з Табою Твой крыж. Я баюся болю, ранаў і страт. Навучы мяне знаходзіць Цябе ў пакутах. Мука Хрыстовая, умацуй мяне!
Размова
Часам я задаюся пытаннем, што б я сказаў,
сустрэўшыся з Табой асабіста, Пане.
Магчыма, так: “Дзякую, Божа, што Ты заўсёды са мной”.
Я добра ведаю, што былі часы,
калі ты нёс мяне, Пане.
Калі толькі Тваёй моцай я прайшоў
скрозь цёмныя перыяды жыцця.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ