Божая прысутнасць
На момант я спыняюся
і разважаю пра жыватворчую прысутнасць Бога
ў кожнай частцы майго цела,
ва ўсім, што вакол мяне,
у кожным імгненні майго жыцця.
штодзённая малітва - 2023-03-20
Свабода
Бог дае мне дар свабоды.
Нават каб я быў у палоне,
мая душа – вольная.
Дапамажы мне, Пане,
выкарыстаць гэтую свабоду з мудрасцю.
Усведамленне
Ведаючы, што Бог любіць мяне безумоўна,
Я магу быць з Ім шчырым.
Як мінуў апошні дзень, і як я адчуваю сябе зараз?
Адкрыта і даверліва я дзялюся сваімі пачуццямі з Панам.
Слова Божае
Мц 1,16.18-21.24
Якуб быў бацькам Юзафа, мужа Марыі, ад якой нарадзіўся Езус, званы Хрыстом.
Такім было нараджэнне Езуса Хрыста: пасля заручынаў Маці Ягонай Марыі з Юзафам, перш чым пачалі жыць разам, яна зачала ад Духа Святога. Юзаф жа, муж яе, будучы справядлівым і не хочучы зняславіць, хацеў патаемна адпусціць Яе.
Калі ён надумаў гэта, вось анёл Пана з’явіўся яму ў сне і сказаў: Юзэфе, сыне Давіда, не бойся прыняць Марыю, жонку тваю, бо зачатае ў ёй ёсць ад Духа Святога. Яна ж народзіць Сына, і дасі Яму імя Езус, бо Ён збавіць народ свой ад ягоных грахоў.
Абудзіўшыся ад сну, Юзаф зрабіў, як загадаў яму анёл Пана, і прыняў жонку сваю.
Разважанні да сённяшняга Слова Божага
Active
Default
- Вестка ад анёла прыйшла да Юзафа ў хвіліны велізарнага непакою і трывогі. Пане, калі мае праблемы здаюцца цяжкімі і невырашальнымі, дазволь мне памятаць, што Ты клапоцішся пра мне, дапамагаючы нават у самых нечаканых абставінах. Мне трэба, як Юзафу, мець дастаткова спакою, каб пачуць голас анёла, і дастаткова мужнасці, каб дзейнічаць у згодзе з Божай воляй.
- Божа, кожнага, хто давярае Табе, Ты падтрымліваеш і вядзеш. У чым мне сёння патрэбна Твая дапамога і кіраўніцтва?
Размова
Ці здольны я акрэсліць, якую рэакцыю
выклікае малітва Божым Словам?
Адчуваю сябе збянтэжаным,
усцешаным, раззлаваным?
Езус побач са мной.
Я магу расказаць Яму, як сябру,
пра ўсе свае пачуцці.
Заканчэнне
Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ