Божая прысутнасць
Пакуль я сяджу тут за камп’ютарам
або з тэлефонам,
Бог побач са мной,
удыхае жыццё ў маё існаванне
і ў навакольны свет.
Некалькі хвілін я застаюся ў цішыні,
каб усвядоміць любячую прысутнасць Бога.
штодзённая малітва - 2023-03-19
Свабода
Я прагну ўбачыць вачамі веры,
якім я мог бы быць і што рабіць,
калі б толькі дазволіў Богу,
майму любячаму Творцу,
працягваць ствараць, вясці і фарміраваць мяне.
Усведамленне
Я задаю сабе пытанне,
што сёння адбываецца ўнутры мяне.
Ці я занадта стаміўся,
засмучаны або не ў настроі?
І калі гэта так,
ці ў стане я забыцца пра тое,
што мяне непакоіць?
Слова Божае
Ян 9, 1. 6–9. 13–17. 34–38
Праходзячы, Езус убачыў чалавека, сляпога ад нараджэння. Ён плюнуў на зямлю, зрабіў са сліны гразь і памазаў граззю вочы сляпому, і сказаў яму: Ідзі, абмыйся ў купальні Сілаам (што перакладаецца «пасланы»). Той пайшоў, абмыўся і прыйшоў відушчы.
А суседзі і тыя, хто бачыў яго раней жабраком, казалі: Ці не той гэта, які сядзеў і жабраваў? Адны казалі: Гэта ён, — а іншыя: Падобны да яго. А ён сам казаў: Гэта я.
І павялі яго, таго, што нядаўна быў сляпы, да фарысеяў. А ў той дзень, калі Езус зрабіў гразь і адкрыў яму вочы, быў шабат. І фарысеі зноў пыталіся ў яго, як ён стаў бачыць. Ён жа сказаў ім: Гразь паклаў мне на вочы, я абмыўся — і бачу.
Тады некаторыя з фарысеяў казалі: Не ад Бога гэты чалавек, бо не захоўвае шабату. Іншыя казалі: Як можа грэшны чалавек чыніць такія цуды? І падзяліліся яны. Зноў жа кажуць сляпому: А ты што скажаш пра Яго, бо Ён адкрыў табе вочы? Той адказаў: Гэта прарок.
Сказалі яму ў адказ: У грахах ты ўвесь нарадзіўся, і ты яшчэ нас вучыш? І выгналі яго прэч.
Езус пачуў, што выгналі яго прэч, знайшоў яго і сказаў: Ці верыш ты ў Сына Чалавечага? Той адказаў: А хто Ён, Пане, каб я паверыў у Яго? Езус сказаў Яму: Ты ўжо бачыў Яго, гэта той, хто гаворыць з табою. Ён жа сказаў: Веру, Пане, — і пакланіўся Яму.
Разважанні да сённяшняга Слова Божага
Active
Default
- Сляпы чалавек не толькі атрымлівае зрок, але і адвагу прызнаць тое, што Езус зрабіў для яго, – «Гэта я!» Калі фарысеі спрачаліся з ім аб тым, што Езус з'яўляецца грэшнікам, які парушае закон, аздараўляючы ў шабат, ён бясстрашна адказаў: «Гэта прарок!» Нарэшце, калі яго выганяюць са святыні і Езус знаходзіць яго, мы чуем, як ён кажа: «Веру, Пане!» Цяпер ён таксама бачыць вачыма веры.
- Ці задумваюся часам, у чым я сляпы? «Пане каб я мог бачыць». Чаго мне каштавала вера? Ці мяне калі-небудзь «выганялі» за веру?
Размова
Дар мовы – цудоўны дар.
Дапамажы мне, Пане, карыстацца ім добра.
Няхай жа не злятаюць з майго языка
гнеўныя, крыўдныя словы.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ