Божая прысутнасць
Я нагадваю сабе, што пакуль я тут,
Бог з любоўю напаўняе мае лёгкія паветрам
і падтрымлівае ўва мне жыццё.
На некалькі імгненняў я засяроджваюся,
каб адчуць гэта глыбей.
штодзённая малітва - 2022-12-07
Свабода
Пане, Твая смерць на крыжы вызваліла мяне.
Я магу жыць радасна і свабодна
без страху смерці.
Міласэрнасць Твая не мае межаў.
Усведамленне
Я задаю сабе пытанне,
што сёння адбываецца ўнутры мяне.
Ці я занадта стаміўся,
засмучаны або не ў настроі?
І калі гэта так,
ці ў стане я забыцца пра тое,
што мяне непакоіць?
Слова Божае
Мц 11:28-30
Езус сказаў у адказ: Прыйдзіце да Мяне, усе спрацаваныя і абцяжараныя, і Я супакою вас. Вазьміце ярмо Маё на сябе і навучыцеся ад Мяне, бо Я ціхі і пакорны сэрцам, і знойдзеце спакой для душаў вашых. Бо ярмо Маё любае і цяжар Мой лёгкі.
Разважанні да сённяшняга Слова Божага
Active
Default
- Я ўяўляю, як Езус кажа мне гэтыя словы. Які цяжар я нясу? Ці магу падзяліць яго з Езусам?
- Я так часта стамляюся, Пане, і цяжар мой цяжкі для мяне. Твая прысутнасць лагодная, пакорная, ціхая. Калі падчас малітвы я пачуваюся нібы пад моцным унутраным ціскам, гэта знак, што нешта не так. У Тваёй прысутнасці душа адпачывае.
- Езус простымі словамі кажа, што ў Яго доме, у Яго прасторы, мы знойдзем месца, каб падыхаць свежым паветрам, адпачыць і падмацавацца. Ён – той гасцінны гаспадар, аб запрашэнні да якога мы марым. І Ён запрашае нас – да ўдзелу ў Эўхарыстыі, да малітвы, запрашае быць з Ім кожны дзень і навекі.
Размова
Часам я задаюся пытаннем, што б я сказаў,
сустрэўшыся з Табой асабіста, Пане.
Магчыма, так: “Дзякую, Божа, што Ты заўсёды са мной”.
Я добра ведаю, што былі часы,
калі ты нёс мяне, Пане.
Калі толькі Тваёй моцай я прайшоў
скрозь цёмныя перыяды жыцця.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ