Божая прысутнасць
На момант я спыняюся
і разважаю пра жыватворчую прысутнасць Бога
ў кожнай частцы майго цела,
ва ўсім, што вакол мяне,
у кожным імгненні майго жыцця.
штодзённая малітва - 2022-11-26
Свабода
Пане, Ты даў мне вялікі дар свабоды.
У цяперашнія часы, Божа, учыні мяне вольным
ад усіх формаў дыскрымінацыі і нецярпімасці.
Нагадай мне, Пане, што ўсе мы роўныя
у Тваіх Любячых вачах.
Усведамленне
Ведаючы, што Бог любіць мяне безумоўна,
Я магу быць з Ім шчырым.
Як мінуў апошні дзень, і як я адчуваю сябе зараз?
Адкрыта і даверліва я дзялюся сваімі пачуццямі з Панам.
Слова Божае
Лк 21:34-36
Езус сказаў сваім вучням: Зважайце ж на сябе, каб сэрцы вашыя не былі абцяжараныя пахмеллем і п’янствам, і жыццёвымі клопатамі, і каб дзень той не застаў вас неспадзявана, як пастка. Бо ён прыйдзе на ўсіх, хто жыве на паверхні ўсёй зямлі. Дык чувайце ўвесь час і маліцеся, каб вы маглі пазбегнуць усяго таго, што павінна адбыцца, і стаць перад Сынам Чалавечым.
Разважанні да сённяшняга Слова Божага
Active
Default
- Сярод клопатаў штодзённага жыцця “вечныя ісціны” могуць здавацца недарэчнымі або нерэальнымі. Але ў сённяшнім урыўку Езус нагадвае не быць абцяжараным і паглынутым той непасрэднай, наяўнай часткай рэчаіснасці, у якой я знаходжуся. Што мяне зараз гняце? Ці прашу Езуса дапамагчы мне? “Чувайце ўвесь час і маліцеся!”
- Малітва, вядома, дапамагае нам узрастаць у пазнанні сябе і Бога. І дае таксама магчымасць зайсці глыбей унутр сябе, дасягнуць “кропкі супакою” ў душы. Ці заўсёды я карыстаюся гэтай магчымасцю? Можа, мяне стрымлівае страх ці недахоп веры? Няхай “Прастора малітвы” будзе нашай “кропкай супакою” цягам дня, бо, як кажа Папа Бэнэдыкт, тыя, хто моліцца, утрымліваюць свет цэлым.
Размова
Ці кранула Мяне Божае Слова?
Ці сёння пакінула мяне халодным?
Можа, суцешыла мяне?
Прымусіла змяніць мае паводзіны?
Я ўяўляю, як Езус стаіць
або сядзіць побач са мной,
і я дзялюся з Ім маімі пачуццямі.
Заканчэнне
Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ