Божая прысутнасць
На момант я спыняюся
і разважаю пра жыватворчую прысутнасць Бога
ў кожнай частцы майго цела,
ва ўсім, што вакол мяне,
у кожным імгненні майго жыцця.
штодзённая малітва - 2022-09-24
Свабода
Пане, адары мяне ласкай
свабоды духа.
Ачысці маё сэрца і душу,
каб я мог радасна жыць ў Тваёй любові.
Усведамленне
Пане, Ты даў мне начны сон, каб адпачыць.
Падчас дзённай актыўнасці
не дазволь мне забывацца пра Тваю дабрыню.
Навучы мяне дзяліцца з іншымі Тваімі дарамі.
Слова Божае
Лк 9:43-45
Калі ўсе здзіўляліся ўсяму, што рабіў Езус, Ён сказаў сваім вучням: Пакладзіце сабе ў вушы словы гэтыя, бо Сын Чалавечы будзе выдадзены ў рукі людзей.
Але вучні не зразумелі сказанага, таму што гэта было схавана ад іх, каб яны не спазналі. Запытацца ж у Яго пра сказанае баяліся.
Разважанні да сённяшняга Слова Божага
Active
Default
- Вучні не былі падрыхтаваныя да Мукі Езуса. Ці гатовыя мы да Мукі, якую сёння і кожны дзень перажывае так шмат людзей? Нам патрэбны новы спосаб бачання. Калі нас руйнуе няшчасце, Езус ідзе побач з намі. Ён дае нам мужнасць зрабіць яшчэ адзін крок.
- Езус кажа: “Хопіць табе Маёй ласкі”. Дрэнныя навіны могуць прыйсці адкуль заўгодна. Мы можам зрабіць памылку, якая будзе шмат каштаваць. Нас могуць здрадзіць сябры. Тым не менш, Хрыстус прайшоў наперадзе нас і паказаў нам шлях трывання. У рукі Твае, Пане, я аддаю ўсё добрае і горкае, што мне наканавана.
Размова
Ці кранула Мяне Божае Слова?
Ці сёння пакінула мяне халодным?
Можа, суцешыла мяне?
Прымусіла змяніць мае паводзіны?
Я ўяўляю, як Езус стаіць
або сядзіць побач са мной,
і я дзялюся з Ім маімі пачуццямі.
Заканчэнне
Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ