User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

штодзённая малітва - 2022-07-02

Божая прысутнасць

На імгненне я спыняюся і думаю пра любоў і ласку,
спасланыя мне Богам
Які стварыў мяне на Свой вобраз і падабенства,
Богам, які зрабіў мяне
Сваёй Святыняй...

Свабода

Пане, адары мяне ласкай
свабоды духа.
Ачысці маё сэрца і душу,
каб я мог радасна жыць ў Тваёй любові.

Усведамленне

Добры Божа, дапамажы ўсведамляць
Тваю прысутнасць,
Тваю моц і Тваю любоў
праз усе дні жыцця майго.

Слова Божае

Мц 9:14-17

Вучні Яна прыйшлі да Езуса і сказалі: Чаму мы і фарысеі посцім шмат, а Твае вучні не посцяць?

А Езус адказаў ім: Ці могуць быць у жалобе госці вяселля, пакуль з імі малады? Але прыйдуць дні, калі будзе забраны ад іх малады, і тады будуць посціць.

Ніхто не прышывае латы з нябеленага палатна на старую вопратку, бо прышытае рве вопратку, і дзірка робіцца яшчэ горшай.  І не ўліваюць таксама маладое віно ў старыя мяхі. Інакш, разрываюцца мяхі, і віно выліваецца, і мяхі псуюцца. Але маладое віно ўліваюць у новыя мяхі, тады захоўваецца і тое, і другое.

Разважанні да сённяшняга Слова Божага

Active
Default
  • “Маладое віно ўліваюць у новыя мяхі”. Які выклік для нашай свабоды і нашага розуму! Езус заклікае нас прыняць радыкальную навізну Валадарства, якое Ён прыйшоў абвясціць, і быць гатовымі адмовіцца ад усяго састарэлага, каб быць у стане цалкам успрыняць гэтую вестку. Столькі магчымасцяў губляецца па той прычыне, што мы – як асобы і як супольнасці – не гатовыя пакінуць тое, што больш не з'яўляецца сапраўдным і карысным, і пачаць пошук добрых змяненняў. Пры гэтым, мы трацім і віно, і мяхі.
  • Тым не менш, нам вельмі патрэбная мудрасць, каб адрозніваць, што з'яўляецца сапраўды новым, а што ўжо састарэла і не мае карысці. Некаторыя рэчы заўжды новыя, яны ніколі не старэюць, асабліва любоў, бо навекі застанецца новай запаведзь любіць так, як Езус палюбіў нас. Як добрае віно, з цягам часу яны робяцца толькі лепш.

Размова

Ці здольны я акрэсліць, якую рэакцыю
выклікае малітва Божым Словам?
Адчуваю сябе збянтэжаным,
усцешаным, раззлаваным?
Езус побач са мной.
Я магу расказаць Яму, як сябру,
пра ўсе свае пачуцці.

Заканчэнне

Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.

Амэн

Мы будзем рады пачуць вашыя водгукі, прапановы і пажаданні, звязаныя з Прасторай малітвы.

Іншыя матэрыялы ад 'Прасторы малітвы'