Божая прысутнасць
Бог са мною, і больш таго:
Ён унутры мяне,
Ён дае мне існаванне.
Дазволю сабе засяродзіцца
на жыватворнай прысутнасці Бога
ў маім целе, у маёй душы, у маім сэрцы –
тут і зараз.
штодзённая малітва - 2022-06-28
Свабода
Пане, адары мяне ласкай
свабоды духа.
Ачысці маё сэрца і душу,
каб я мог радасна жыць ў Тваёй любові.
Усведамленне
Езу, у гэтыя хвіліны я згадваю
Тваю агонію ў Гетсіманскім садзе.
Так шмат разоў я звяртаўся да Цябе са сваім болем,
і Ты чуў мяне.
Няхай жа і я здолею
заўсёды адказваць на заклік аб дапамозе.
Слова Божае
Мц 8:23-27
Калі Езус увайшоў у човен, увайшлі за Ім Ягоныя вучні.
І вось пачалася вялікая бура на моры, так што човен накрывалі хвалі. А Ён спаў.
І, падышоўшы, яны разбудзілі Яго, кажучы: Пане, ратуй, мы гінем. А Ён кажа ім: Чаго вы спалохаліся, малой веры? Тады, устаўшы, забараніў вятрам і мору, і настала вялікая ціша. А людзі дзівіліся і казалі: Хто Ён такі, што і вятры, і мора слухаюцца Яго?
Разважанні да сённяшняга Слова Божага
Active
Default
- Многія з нас часта аказваліся захлынутымі велізарнымі хвалямі – апатыі, жаху, сумненняў, адчаю, залежнасці, няздольнасці засяродзіцца на нечым адным. У такія моманты здавалася, што Езус спіць. Толькі калі вучні паклікалі Пана, Ён адгукнуўся. Калі ў наступны раз магутныя воды ўзнімуцца над галавой, гатовыя паглынуць мяне, ці ўспомню я пра Пана і ці паклічу Яго з упэўненасцю, што мой крык будзе пачуты?
- “Хто Ён такі?” – пыталіся вучні адзін у аднаго. Хто для мяне Езус? Што гэта за бурнае мора, якое пагражае майму духоўнаму існаванню?
Размова
Ці здольны я акрэсліць, якую рэакцыю
выклікае малітва Божым Словам?
Адчуваю сябе збянтэжаным,
усцешаным, раззлаваным?
Езус побач са мной.
Я магу расказаць Яму, як сябру,
пра ўсе свае пачуцці.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ