Божая прысутнасць
Божа, дапамажы мне
быць жывым
у Тваёй святой прысутнасці.
Агарні мяне сваёй любоўю.
Няхай маё сэрца будзе адзіным з Тваім.
штодзённая малітва - 2021-01-17
Свабода
Пане, дай мне ласку
быць вольным ад скрайнасцяў гэтага жыцця.
Не дазволь мне загразнуць у прагненні багацця.
Падтрымлівай маё сэрца і розум свабоднымі,
каб любіць і служыць Табе.
Усведамленне
Пане, Ты даў мне начны сон, каб адпачыць.
Падчас дзённай актыўнасці
не дазволь мне забывацца пра Тваю дабрыню.
Навучы мяне дзяліцца з іншымі Тваімі дарамі.
Слова Божае
Ян 1:35-42
Стаяў Ян Хрысціцель і двое з вучняў ягоных і, калі ўбачыў Езуса, які ішоў, сказаў: Вось Ягнё Божае. І пачулі двое вучняў яго, што ён сказаў, і пайшлі за Езусам.
А Езус, азірнуўшыся і ўбачыўшы, што яны ідуць за Ім, сказаў: Чаго шукаеце?
Яны сказалі Яму: Раббі (што азначае «настаўнік»), дзе жывеш?
Ён сказаў ім: Ідзіце і ўбачыце. Яны пайшлі і ўбачылі, дзе Ён жыве, і засталіся ў Яго ў гэты дзень. Было ж каля дзесятай гадзіны.
Андрэй, брат Сымона Пятра, быў адным з двух, якія пачулі ад Яна пра Езуса і пайшлі за Ім. Знайшоў ён спачатку брата свайго Сымона і кажа яму: Мы знайшлі Месію (гэта значыць Хрыста). І прывёў яго да Езуса. Езус, глянуўшы на яго, сказаў: Ты Сымон, сын Яна; ты будзеш названы Кефас (што азначае «Пётр», «скала»).
Разважанні да сённяшняга Слова Божага
Active
Default
- “Ідзіце і ўбачыце!” Гэтае простае запрашэнне натхняе “Прастору малітвы”, і ты, чытаючы гэтыя словы, з’яўляешся адным з многіх людзей добрай волі, якія прымаюць асабістае запрашэнне Езуса. Звярні ўвагу, як Езус кліча Пятра ўласным іменем і дае яму новае. Кожны з нас можа пачуць сваё імя ад Езуса.
- Гэта не выключная падзея, а заклік да трывалых адносінаў і сяброўства; гэта мова любові. Пазней у Евангеллі паводле Яна Езус кажа: “А калі пайду і падрыхтую вам месца, прыйду зноў і забяру вас да сябе, каб і вы былі там, дзе Я” (Ян 14: 3). Гэта аснова паслання Езуса і лёс майго жыцця – быць з Богам. Гэта вялікі Божы план для чалавецтва. І таму, якім бы шалёным не быў свет або маё жыццё, цяпер я ведаю сэнс.
- Я размаўляю з Езусам і пытаюся ў Яго, чаму Ён так рупіцца пра мяне. Магчыма, Ён скажа з блякам у вачах: "У рэшце рэшт, ты створаны паводле Божага вобраза, і Мы заўсёды жадалі тваёй кампаніі ў вечнасці!"
Размова
Ці кранула Мяне Божае Слова?
Ці сёння пакінула мяне халодным?
Можа, суцешыла мяне?
Прымусіла змяніць мае паводзіны?
Я ўяўляю, як Езус стаіць
або сядзіць побач са мной,
і я дзялюся з Ім маімі пачуццямі.
Заканчэнне
Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ