Божая прысутнасць
На імгненне я спыняюся
і думаю пра любоў і ласку,
што спасылае на мяне Бог,
Які стварыў мяне на Свой вобраз і падабенства,
які зрабіў мяне Сваёй Святыняй...
штодзённая малітва - 2021-01-16
Свабода
“Я свабодны”.
Калі я бачу перад сабой гэтыя словы,
адчуваю глыбокую павагу.
Цудоўнае пачуццё свабоды...
Дзякую Табе, Божа.
Усведамленне
Я нагадваю сабе,
што знаходжуся ў прысутнасці Бога.
Я знаходжу прытулак у Яго Сэрцы.
Ён – мая моц у хвіліны слабасці,
Ён – маё суцяшэнне ў хвіліны смутку.
Слова Божае
Мк 2:13-17
Езус зноў выйшаў да мора. І ўсе людзі прыходзілі да Яго, а Ён навучаў іх. Праходзячы, убачыў Ён Левія, сына Алфея, які сядзеў каля мытні, і сказаў яму: Ідзі за Мною. Той устаў і пайшоў за Ім.
Калі Езус узлягаў за сталом у ягоным доме, шмат мытнікаў і грэшнікаў былі разам з Езусам і Ягонымі вучнямі. Бо шмат было тых, хто ішоў следам за Ім. Кніжнікі і фарысеі, убачыўшы, што Ён есць з мытнікамі і грэшнікамі, казалі вучням Ягоным: Чаму Ён есць і п’е з мытнікамі і грэшнікамі?
Пачуўшы гэта, Езус сказаў ім: Не здаровыя патрабуюць лекара, але хворыя; Я не прыйшоў клікаць справядлівых, але грэшнікаў.
Разважанні да сённяшняга Слова Божага
Active
Default
- Зноў чытаем пра вялікі натоўп, які сабраўся, каб убачыць і пачуць Езуса. Магчыма, некаторыя з іх адчуваюць, што вось цяпер самы час пачаць масавы рух? Але ў Езуса іншы намер: Ён вылучае пагарджанага зборшчыка падаткаў і кажа яму ісці за Ім. Які сэнс мець справу з такім чалавекам – хіба ён не будзе цяжарам? Калі б была магчымасць пагутарыць з Мацвеем, што б ён сказаў? Магчыма, што ў цэнтры ўвагі Езуса знаходзяцца хворыя, патрабуючыя, пагарджаныя і грэшныя; самадастатковыя не прызнаюць сваёй патрэбы ў Богу, і таму, пакліканыя да вучнёўства, яны будуць адчуваць сябе не на сваім месцы. Прастора ў іх сэрцах, належная Богу, ужо занятая.
- Размаўляю з Езусам, які здзіўляе мяне, пытаючыся, ці дастаткова я слабы, каб стаць вучнем. "Ці ведаеш свае межы, каб давяраць Мне больш, чым сабе?"
Размова
Памятаючы аб Божай прысутнасці,
я ўяўляю Езуса побач з сабой
і гавару Яму ўсё,
што маю на сэрцы,
як найлепшаму сябру.
Заканчэнне
Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.
Амэн
Мы будзем рады пачуць вашыя водгукі, прапановы і пажаданні, звязаныя з Прасторай малітвы.
- Прастора малітвы
- На галоўную
- Для разважання і малітвы
- Штотыднёвае разважанне
- Зваротная сувязь
- Напішыце, што вы думаеце пра Прастору малітвы
- Иезуиты в России
- Общество Иисуса в России и СНГ