User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

штодзённая малітва - 2019-05-16

Божая прысутнасць

У кожную хвіліну дня і ночы
ты можаш паклікаць Езуса.
Ён заўсёды чакае твайго запрашэння.
Як жа гэта цудоўна...
Не патрэбныя тэлефоны і электронныя скрыні, толькі шэпт.

Свабода

Я буду прасіць Божай дапамогі,
каб вызваліцца ад сваёй заклапочанасці,
адкрыць сваё сэрца Богу
ў гэты час малітвы,
каб яшчэ больш
пазнаваць, любіць і служыць Яму.

Усведамленне

Добры Божа, дапамажы ўсведамляць
Тваю прысутнасць,
Тваю моц і Тваю любоў
праз усе дні жыцця майго.

Слова Божае

Ян 13:16-20

Калі Езус абмыў вучням ногі, сказаў ім: Сапраўды, сапраўды кажу вам: слуга не большы за свайго гаспадара, і пасланец не большы за таго, хто паслаў яго. Калі гэта ведаеце і чыніце так, вы шчаслівыя.

Не пра ўсіх вас кажу. Я ведаю, каго абраў. Але, каб збылося Пісанне: Хто есць са Мною хлеб, падняў на Мяне сваю пяту. Цяпер, перш чым гэта станецца, кажу вам, каб, калі станецца, вы паверылі, што гэта Я.

Сапраўды, сапраўды кажу вам: хто прымае таго, каго Я пашлю, Мяне прымае, а хто Мяне прымае, прымае таго, хто паслаў Мяне.

Разважанні да сённяшняга Слова Божага

Active
Default
  • Нягледзячы на тое, што мы зараз у Велікодным перыядзе, сённяшняе чытанне вяртае нас у той незвычайны вечар, калі Езус еў і піў са сваімі сябрамі і рыхтаваў іх да новай Пасхі. Паразважаем пра дзіўны жэст абмывання ног вучням.
  • Падчас сваёй Апошняй вячэры напярэдадні крыжовай смерці Езус дае доўгі выклад навучання, але пачынае з моцнага, бязмоўнага жэста, яшчэ раз падкрэсліваючы, што вырашальнае значэнне мае менавіта ажыццяўленне пачутых Божых слоў; прыкладам з’ўляюцца Яго ўласныя паводзіны, якія мы пакліканы пераймаць адначасова з навучаннем.
  • Езус не мае ніякіх ілюзій наконт слабых грэшных людзей, да якіх Ён звяртаецца. Адзін выдасць Яго, астатнія разбягуцца ў пачатку выпрабавання. Так, гэтыя людзі, Хрыстовыя вучні, – эгацэнтрычныя і амбіцыйныя, таму Ён павінен паказаць ім паставу служэння. Але Езус іх не пакідае і не расчароўваецца, яны застаюцца тымі, каго Ён “выбраў”. Здаецца, у Яго так мала часу ў апошні вечар, і ўсё ж Ён паказвае ім шлях да шчасця.

Размова

Часам я задаюся пытаннем, што б я сказаў,
сустрэўшыся з Табой асабіста, Пане.
Магчыма, так: “Дзякую, Божа, што Ты заўсёды са мной”.
Я добра ведаю, што былі часы,
калі ты нёс мяне, Пане.
Калі толькі Тваёй моцай я прайшоў
скрозь цёмныя перыяды жыцця.

Заканчэнне

Я дзякую Богу за магчымасць правесці сам-насам з
Ім некалькі хвілін, а таксама за ўсялякае прасвятленне, што мне было дадзена
праз Пісанне.

Амэн

Мы будзем рады пачуць вашыя водгукі, прапановы і пажаданні, звязаныя з Прасторай малітвы.

Іншыя матэрыялы ад 'Прасторы малітвы'