User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

штодзённая малітва - 2018-07-15

Божая прысутнасць

Мая душа тужыць па Табе, Пане.
Калі я кірую да Цябе свае думкі,
то знаходжу супакой і наталенне прагі.

Свабода

Бог дае мне дар свабоды.
Нават каб я быў у палоне,
мая душа – вольная.
Дапамажы мне, Пане,
выкарыстаць гэтую свабоду з мудрасцю.

Усведамленне

У якіх сферах свайго жыцця
я сустракаю надзею, падбадзёрваюся,
бачу перспектывы росту?
Прыгадваючы мінулыя некалькі месяцаў,
ці не адчуваю я, якая дзейнасць і якія падзеі
прыносілі багаты плён?
Калі так, то я прымаю рашэнне
прысвячаць ім больш часу
і магчымасцяў у будучым.

Слова Божае

Мк 6:7-13

Езус паклікаў Дванаццаць і пачаў высылаць іх па двое, і даў ім уладу над нячыстымі духамі. І наказаў ім не браць у дарогу нічога, апрача толькі кія: ні хлеба, ні торбы, ні медзі ў поясе, але абувацца ў сандалі і не апранаць дзвюх вопратак.

І сказаў ім: Калі дзе ўвойдзеце ў дом, заставайцеся там, пакуль не выйдзеце адтуль. І калі ў якім месцы не прымуць вас і не будуць слухаць вас, то, выходзячы адтуль, абтрасіце пыл, што пад нагамі вашымі, дзеля сведчання супраць іх.

І, пайшоўшы, яны прапаведавалі пакаянне; і выганялі шмат дэманаў, і шмат хворых намашчвалі алеем, і вылечвалі.

Разважанні да сённяшняга Слова Божага

Active
Default
  • Уяві, што ты запрошаны далучыцца да супольнасці Дванаццаці апосталаў. Ты вельмі ўсхваляваны тым, што цябе пасылаюць прапаведваць аб Божым Валадарстве і з нецярплівасцю чакаеш неабходных парадаў ад Езуса для здзяйснення даверанай місіі. Замест гэтага табе кажуць нічога не браць з сабой у дарогу: ісці без розгаласу і матэрыяльнай падтрымкі, без прыстойнай машыны. Ты павінен залежаць выключна ад Божай моцы і ласкі. Толькі пры такіх умовах станеш сведкам нязвыклых рэчаў.
  • У сваім прагненні Касцёла для бедных Папа Францішак засноўваецца менавіта на гэтым фрагменце Евангелля. Мы, хрысціяне, маем права быць матэрыяльна забяспечанымі людзьмі, але павінны крытычна адносіцца да капіталізму і залежнасці ад зямных багаццяў. Валадарства Божае мала мае супольнага з заможным жыццём. Сапраўднае шчасце – у прастаце жыцця і здольнасці заўважаць патрэбы іншых.

Размова

Езу, Ты заўсёды быў чулы з малымі дзецьмі,
калі сустракаў іх на зямлі.
Навучы па-дзіцячы поўнасцю давяраць Табе
і жыць ва ўпэўненасці,
што Ты ніколі не пакінеш мяне.

Заканчэнне

Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.

Амэн

Мы будзем рады пачуць вашыя водгукі, прапановы і пажаданні, звязаныя з Прасторай малітвы.

Іншыя матэрыялы ад 'Прасторы малітвы'