User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Мц 9:18–26

Слова Божае

Калі Езус гаварыў з імі, да Яго падышоў адзін кіраўнік і, пакланіўшыся Яму, сказаў: У мяне толькі што памерла дачка, але прыйдзі і ўскладзі на яе руку сваю, і яна будзе жыць.

Тады Езус падняўся і разам са сваімі вучнямі пайшоў за ім. І вось жанчына, якая дванаццаць гадоў цярпела на крывацёк, падышла ззаду і дакраналуся да краю вопраткі Ягонай, бо казала сабе: Калі хоць дакрануся да вопраткі Ягонай, выздаравею. Езус павярнуўся і, убачыўшы яе, сказаў: Будзь адважнай, дачка: твая вера ўратавала цябе. І ад гэтага моманту жанчына была здаровай.

Калі Езус увайшоў у дом кіраўніка, Ён убачыў жалейнікаў і ўзрушаны натоўп і сказаў: Выйдзіце, бо дзяўчынка не памерла, але спіць. І насміхаліся з Яго. А калі натоўп вывелі, Ён увайшоў і ўзяў дзяўчыну за руку, і яна ўстала.

І разышлася пагалоска пра гэта па ўсёй гэтай зямлі.

Мц 9:18–26
  • Разважанні да сённяшняга Слова Божага

    Active
    Default
    • Як цудоўна Езус узаемадзейнічае з людзьмі, якія маюць веру. Яна дапамагае ўсталяваць моцныя сувязі паміж Езусам і намі, каб Яго моц напоўніла нас.
    • У сённяшняй малітве ты можаш засяродзіцца на тым, як ты дакранаешся да Езуса, і як Ён дакранаецца да цябе. Дзякуючы тваёй веры, здзяйсняецца аздараўленне душы і цела, адкрываецца прагненне Езуса запэўніць цябе ў Яго любові, у тваёй каштоўнасці ў Яго вачах. Адчуй гэты дотык, дазволь Езусу споўніць Сваё вялікае жаданне адрадзіць у табе поўню жыцця і любові.
  • Разважанні да сённяшняга Слова Божага

    Active
    Default
    • Езус адкрыты на патрэбы дзіцяці, на малітву сціплай жанчыны. Можа, на маім шляху часам вялікія патрэбы прыцягваюць да сябе ўсю маю ўвагу. Я хацеў бы мець больш пакоры, каб убачыць рэчы такімі, як Езус іх бачыць. Дапамажы мне, Пане, не гнацца за вялікім, але звярнуць увагу на тое, што сапраўды важна.

Іншыя матэрыялы ад 'Прасторы малітвы'