User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Лк 15:1-10

Слова Божае

Набліжаліся да Яго ўсе мытнікі і грэшнікі, каб паслухаць Яго. А фарысеі і кніжнікі наракалі, кажучы: Ён прымае грэшнікаў і есць з імі.

Але Езус расказаў фарысеям і кніжнікам наступную прыпавесць, кажучы: Хто з вас, маючы сто авечак і згубіўшы адну з іх, не пакіне дзевяноста дзевяці ў пустыні і не пойдзе па згубленую, пакуль не знойдзе яе? А знайшоўшы, возьме яе на плечы свае з радасцю і прыйдзе дадому, пакліча сяброў і суседзяў, кажучы ім: Радуйцеся са мною, бо я знайшоў маю згубленую авечку.

Кажу вам, што таксама на нябёсах больш радасці будзе з аднаго грэшніка, які пакаяўся, чым з дзевяноста дзевяці праведнікаў, якія не патрабуюць пакаяння.

Ці якая жанчына, маючы дзесяць драхмаў і згубіўшы адну драхму, не запаліць свечкі і не пачне вымятаць дом і пільна шукаць, пакуль не знойдзе? А знайшоўшы, пакліча сябровак і суседак ды скажа: цешцеся са мною, таму што я знайшла згубленую драхму.

Так, кажу вам, бывае радасць у анёлаў Божых і за аднаго грэшніка, які каецца.

Лк 15:1-10
  • Разважанні да сённяшняга Слова Божага

    Active
    Default
    • Ва ўсіх час ад часу губляюцца рэчы. Нам знаёмы клопат пошукаў і тое, як павялічваецца іх дакладнасць, у залежнасці ад каштоўнасці страчанай рэчы. Езус сёння дае нам два прыклады людзей, якія шукаюць штосьці вельмі дарагое для іх і радуюцца знаходкам. Ён спрабуе даць зразумець нам пачуццё, з якім Бог шукае нас, і Ягоную радасць, калі нашае з Ім сяброўства аднаўляецца зноў. А Ягоныя пошукі людзей каштуюць Яму нават жыцця.
    • Паразважай некаторы час, якую невымоўную каштоўнасць мае для Езуса нашае сяброўства з Ім, каб усвядоміць сабе, якімі дарагімі з’яўляемся мы для Яго.
  • Разважанні да сённяшняга Слова Божага

    Active
    Default
    • Фарысеі «наракалі». Ці не наракаю я, калі незадаволены дзеяннямі Бога?
    • Галоўная мая праблема ў тым, што я не магу дазволіць сабе быць сапраўдным і безабаронным з Езусам. Ці магу я дазволіць Яму ўзяць мяне, слабога, на плечы? Ці гатовы я маліць: “Нясі мяне, Пане”?

Іншыя матэрыялы ад 'Прасторы малітвы'