User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Лк 17:7-10

Слова Божае

Езус сказаў: Хто з вас, маючы слугу, які арэ або пасвіць, скажа яму, калі ён вернецца з поля: «як прыйдзеш, адразу сядай за стол»? Наадварот, ці не скажа яму: «прыгатуй мне павячэраць і, падперазаўшыся, прыслужвай мне, пакуль буду есці і піць, а пасля будзеш есці і піць ты»? Ці будзе ён дзякаваць слузе гэтаму за тое, што ён выканаў загаданае?

І вы таксама, калі выканаеце ўсё загаданае вам, кажыце: «мы нікчэмныя слугі, бо зрабілі тое, што павінны былі зрабіць».

Лк 17:7-10
  • Разважанні да сённяшняга Слова Божага

    Active
    Default
    • “Мы нікчэмныя слугі, бо зрабілі тое, што павінны былі зрабiць”. Такая вялізная доля рэалізму можа ўратаваць нас ад ганарлівасці, нават у духоўным жыцці. Пане, дапамажы мне зразумець, што шлях да сапраўднай пакоры праходзіць праз прыняцце самога сябе, і што не трэба ўспрымаць сябе, свае памылкі і дасягненні занадта сур'ёзна.
    • Тым не менш, падчас Апошняй Вячэры, наш Бог зрабіў тое, што ніводзін разумны гаспадар не будзе рабіць: Ён амыў ногі сваім вучням i сказаў ім, што Ён зрабіў гэта для таго, каб яны маглі зрабіць тое ж самае адзін для другога. Я малюся аб больш глыбокім разуменні любові Езуса і важнасці нашага пакорнага служэння як Ягоных вучняў.
  • Разважанні да сённяшняга Слова Божага

    Active
    Default
    • Езус прамаўляе вельмі строга. Нам вядома, што малы знак падзякі і прызнанне добра выкананай працы можа падняць дух. Сёння я магу пашукаць магчымасці, каб убачыць таго, у каго вельмі шмат спраў, і падбадзёрыць яго.
    • Шукаючы Бога, мы ніколі не зможам ганарыцца чымсьці або спачываць на лаўрах. Перад намі заўсёды будуць узнікаць усё новыя праблемы. Але, можа я зашмат усяго ўзвальваю на свае плечы ? Навучы мяне паступаць па прыкладу святога, які сказаў: «Ці я буду рабіць усё без прымусу і з любоўю, ці наогул не буду гэтым займацца».
  • Разважанні да сённяшняга Слова Божага

    Active
    Default
    • Сённяшні тэкст цяжка зразумець адразу. Варта паразважаць над тым, што пакорлівае служэнне з любові да Пана само па сабе ёсць ўзнагародай. Карысна будзе ўзгадаць словы Езуса, вымаўленыя ў іншы час, калі Ён казаў пра тое, хто з'яўляецца большым: "Бо хто большы? Той, які сядзіць за сталом, ці той, які служыць? Ці ж не той, хто сядзіць за сталом? І Я сярод вас, як той, хто служыць!”
    • Складана спасцігнуць усю глыбіню адносін паміж Езусам і людзьмі, калі мы не зразумеем Яго вялікую любоў да нас у Ягоных пакутах і смерці.
  • Разважанні да сённяшняга Слова Божага

    Active
    Default
    • Не так лёгка думаць пра сябе як пра слугу і не лічыцца з незадаволенасцю, якая звычайна звязана з гэтым цэтлікам. Хоць я хацеў бы быць велікадушным, адначасова я магу заўважыць сваю прагу пахвалы за добрыя учынкі. Тым самым я прызнаю сваю патрэбу ў малітве аб большай унутранай свабодзе.
    • Слуга мае сваю пэўную ролю, кампетэнцыю і абсяг працы; слуга зважае толькі на волю таго, каму ён падуладны. Езус не жадае зняволіць мяне, але просіць разважыць, дзе я бачу абшары майго служэння.

Іншыя матэрыялы ад 'Прасторы малітвы'