User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Лк 21:29-33

Слова Божае

Езус сказаў сваім вучням: Паглядзіце на смакоўніцу і на ўсе дрэвы. Калі яны ўжо распускаюцца, то, убачыўшы гэта, ведаеце самі, што ўжо блізка лета. Так і вы, калі ўбачыце, што гэта адбываецца, ведайце, што наблізілася Валадарства Божае. Сапраўды кажу вам, не міне пакаленне гэтае, як усё збудзецца. Неба і зямля пройдуць, слова ж Маё не праміне.

Лк 21:29-33
  • Разважанні да сённяшняга Слова Божага

    Active
    Default
    • Езус папярэджвае аб вялікіх сацыяльных катаклізмах. Ён не кажа нам адводзіць позірк. І ўсё ж адразу запэўнівае, што Валадарства Божае блізка. Як я рэагую на тое, што здараецца са мной, па ўсім свеце? Што ў наш час пацвярджае словы Езуса аб набліжэнні Валадарства?
    • Падобна штогадоваму пладанашэнню смакоўніц, якое можна назіраць, Бог пастаянны і нязменны ў сваёй праўдзівасці і вернасці. Малітва, якая грунтуецца на Божым слове, дае нам бяспеку і любоў. Пасярод разнастайных прыродных, эканамічных і іншых крызісаў Божае слова прапануе праўду і цвёрдую аснову: гэта скала, на якой мы стаім і на якой супрацьстаім сілам зла. Слова Божае, вернасць у спаўненні абяцанняў, а таксама любоў Бога ніколі не пакінуць нас. Езус дае тое, што ніколі не прамінае. А мы можам знайсці Яго ў малітве.
  • Разважанні да сённяшняга Слова Божага

    Active
    Default
    • Езу, здаецца, што Ты шмат чаму навучыўся ў прыроды! Адары і мяне такім успрыманнем таго, што вакол мяне, каб праз гэта я мог бачыць прысутнасць, дзеянне і любоў Бога ў маім жыцці.
    • Прыклад смакоўніцы нагадвае мне пра іншую смакоўніцу, якой далі яшчэ час, каб прынесці плён. Ці хапае мне мужнасці пачаць усё нанова, калі ў мяне нешта не атрымліваецца з першага разу?
  • Разважанні да сённяшняга Слова Божага

    Active
    Default
    • Якія знакі Божай працы я заўважаю сёння? У маім жыцці? У навакольным свеце?
    • Сусвет – такі старажытны, што розум нават палохаецца, спрабуючы ўявіць мільёны год ягонага існавання. І ўсё ж, ён праходзіць; эфемерная рэч у параўнанні з Божым Словам, якое не праміне ніколі.
  • Разважанні да сённяшняга Слова Божага

    Active
    Default
    • Мы чуем, што свет, у якім мы жывем, аднойчы міне, але словы Езуса, словы праўды і жыцця, не мінуць ніколі. Гэтыя словы ўяўляюць сабой бачанне жыцця і тых вечных каштоўнасцяў, якія паходзяць ад Бога.
    • Набліжаючыся да канца літургічнага года, варта паразважаць, ці хочам мы належаць да Валадарства, якое адкрывае Езус. І не толькі належаць, але і зрабіць гэта справай нашага жыцця. Тады, незалежна ад таго, калі Ён прыйдзе паклікаць нас, мы бузем гатовыя.
  • Разважанні да сённяшняга Слова Божага

    Active
    Default
    • Спасыланне на смакоўніцу нагадвае ранейшую прыпавесць пра дрэва, якому далі другі шанец прынесці плёны. Ці ёсць у мяне смеласць пачаць усё наноў, калі ляжу на ўзбоччы?
    • Наколькі добра я распазнаю знакі часу - знакі, якія падказваюць мне, што каштоўна, а што мінае? Якія знакі жыцця і надзеі я бачу вакол сябе? Як часта спыняюся, каб заўважыць іх і атрымаць ад іх асалоду?
    • Ці баюся я другога прыйсця Пана? Ці знаходжуся я ў радасным чаканні?

Іншыя матэрыялы ад 'Прасторы малітвы'