User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Лк 21:12-19

Слова Божае

Езус сказаў сваім вучням: Але раней за ўсё гэта накладуць на вас рукі свае і будуць пераследаваць вас, аддаючы ў сінагогі і ў вязніцы, і паставяць перад каралямі і валадарамі за імя Маё. І будзе гэта вам на сведчанне. Таму пастанавіце ў сэрцы сваім не клапаціцца наперад, як абараніцца, бо Я дам вам вусны і мудрасць, якой не здолеюць супрацьстаяць ці супярэчыць праціўнікі вашыя.

Выдаваць вас будуць таксама бацькі, і браты, і родныя, і сябры, а некаторых з вас заб’юць. І ўсе зненавідзяць вас за імя Маё. Але і волас з галавы вашай не прападзе.

Цярпеннем сваім уратуеце жыццё вашае.

Лк 21:12-19
  • Разважанні да сённяшняга Слова Божага

    Active
    Default
    • Большасць з нас аднойчы сутыкаліся са здрадай і несправядлівым стаўленнем. У школе, у сям'і, на працы ці са знаёмымі мы на нейкім этапе адчулі смак нянавісці. Калі Езуса гэта спаткала, то і нас таксама можа. Ён кажа нам, што гэта яшчэ не канец. Мы будзем жыць. Мы не дазволім гэтаму вопыту патушыць нашую любоў і веру.
    • Езус не абяцае лёгкага жыцця. Ён абяцае, што дасць нам словы і мудрасць, каб мы моцна трымаліся Добрай Навіны. Гэтая Добрая Навіна мае ў сабе таксама абяцанне нашага ўваскрасення. “Езу, я захапляюся Тваёй трываласцю. Ты вынес столькі горычы і непрыняцця; Цябе здрадзілі і забілі. Удзялі мне Сваёй трываласці, каб я выстаяў, калі стане цяжка!”
  • Разважанні да сённяшняга Слова Божага

    Active
    Default
    • «Вы будзеце здраджаны» нават тымі, хто найбольш блізкі для вас. Калі псуюцца адносіны, я разумею праўдзівасць гэтай засцярогі. Але ці веру я ў тое, што Бог настолькі блізкі да мяне, што лічыць кожны «з валасоў на маёй галаве»? Ці дапамагае гэта мне захоўваць раўнавагу і заставацца верным сваім прынцыпам?
    • «Цярплівасцю вашай ратуйце душы вашыя». Я разважаю над тым, як я гадамі пераадольваў цяжкасці. Ці ўмацаваўся я праз гэта? Магчыма, я стаў мацней, ведаючы, што Бог заўсёды працуе, каб ператварыць мае цяжкасці ў дабро.
  • Разважанні да сённяшняга Слова Божага

    Active
    Default
    • Здрадзяць нават самыя блізкія... Калі псуюцца адносіны, я разумею праўдзівасць гэтай засцярогі. Але ці веру я ў тое, што Бог настолькі блізкі да мяне, што лічыць кожны «з валасоў на маёй галаве»? Ці дапамагае гэта мне захоўваць раўнавагу і заставацца верным сваім прынцыпам?
    • «Цярпеннем сваім уратуеце жыццё вашае». Я разважаю над тым, як я гадамі пераадольваю цяжкасці. Ці ўмацаваўся я праз гэта? Магчыма, я проста сталею, разумеючы, што Бог заўсёды працуе, каб ператварыць мае цяжкасці ў дабро.
  • Разважанні да сённяшняга Слова Божага

    Active
    Default
    • Як вы павінны рыхтавацца? Ніяк не трэба рыхтавацца! Заахвочванне да даверу – гэта выклік звыклай для нас трывозе і занепакоенасці, гэта запрашэнне жыць у цяперашнім моманце, калі Езус кажа нам: «Супакой вам!»
    • Людзям лёгка вымяраць сваю самаацэнку па колькасці «лайкаў», якія яны атрымліваюць, але Езус заклікае нас не блытаць папулярнасць са шчасцем і заўважаць тое, што сапраўды важна.
  • Разважанні да сённяшняга Слова Божага

    Active
    Default
    • Памолімся, каб у нас хапіла смеласці быць вернымі сваім хрысціянскім каштоўнасцям у самых розных жыццёвых абставінах. Няхай жа нас не бянтэжыць, што наша вера можа выклікаць гнеў і варожасць. Мы ўсё ж маем імкнуцца да праўды і любові, каб рассейваць неабгрунтаваныя страхі, якія могуць параджацца ў іншых з-за нашых перакананняў.
    • Мы пакліканыя дапамагчы людзям зразумець, дзе сапраўдныя дабро і праўда. І мы робім гэта, клапоцячыся пра сумленне і імкнучыся ўвасобіць у жыцці гэтыя якасці як мага лепш. Правядзі некаторы час, прыносячы Богу любую частку свайго жыцця, у якой адчуваеш, што табе патрэбна больш мужнасці.
  • Разважанні да сённяшняга Слова Божага

    Active
    Default
    • Вытрымка - гэта якасць, якая шануецца з часоў Быцця. Якуб змагаўся з Богам цэлую ноч, і тым самым выявіў, што мае сілы, пра якія не ведаў. Ён праявіў вынослівасць, мужнасць і ўпартасць і быў узнагароджаны за гэта - стаў патрыярхам вялікай нацыі.
    • У духоўным жыцці надыходзіць час, калі можна выбраць альбо адчай, альбо трываласць. Святы Павел, звяртаючыся да рымлянаў, праслаўляе гэтую цноту: «Уціск нараджае цярплівасць, цярплівасць – вытрываласць, вытрываласць – надзею, а надзея не асароміць, таму што любоў Божая вылілася ў сэрцы нашыя праз Духа Святога, які дадзены нам» (Рым 5:4-5).
  • Разважанні да сённяшняга Слова Божага

    Active
    Default
    • Езус шчыра папярэджвае сваіх вучняў аб верагодным пераследзе. Гэтак станецца, бо яны будуць насіць Яго Імя, і ў рэальнасці ганенняў самыя сардэчныя адносіны будуць вымушаныя прайсці праз выпрабаванне: здрадзяць нават сябры і блізкія, на якіх бы ніколі не падумаў. Калі я разважаю цяжкасці, з якімі сутыкаюся з-за Імя Езуса, то малюся аб вернасці свайму хрысціянскаму пакліканню, а таксама за тых хрысціян, якія пакутуюць больш за мяне.
    • Адначасова Езус абнадзейвае нас, абяцаючы дар слова і мудрасці, якія стануць абаронай перад абвінаваўцамі. Гэта гучыць парадаксальна побач з далейшымі словамі, што некаторых з вучняў заб’юць. Я гляджу на Ўкрыжаванага і бачу, што адбылося ў Яго Муцы і Змёртвыхпаўстанні. Дапамажы мне, Пане, аддаць сябе ў рукі Айца дарэшты, як Ты.
    • Наколькі моцная мая вера? Ці падвяргалася яна сур'ёзным выпрабаванням? Ці ведаю, што супрацьлегласцю веры з'яўляецца не сумненне, а ўпэўненасць? Наколькі я ўмею давяраць у сваіх адносінах з іншымі?

Іншыя матэрыялы ад 'Прасторы малітвы'