Інтэнцыя Святога Айца на чэрвень 2023 года:
За забарону катаванняў.
Ранішняя малітва
Божа, наш Ойча, ахвярую Табе свой дзень. Ахвярую Табе свае малітвы, думкі, словы, учынкі, радасці і цярпенні ў еднасці з Сэрцам Твайго Сына Езуса Хрыста, які працягвае ахвяраваць сябе ў Эўхарыстыі за збаўленне свету.
Няхай сёння Дух Святы, які вёў Езуса, вядзе і ўмацоўвае мяне, каб я мог сведчыць аб Тваёй любові. Разам з Марыяй, Маці нашага Пана і Маці Касцёла, я малюся асабліва ў інтэнцыі Папы Францішка на гэты месяц:
каб міжнародная супольнасць распачала канкрэтныя дзеянні для забароны катаванняў і гарантавала падтрымку ўсім ахвярам і іх сем’ям.
Амэн.
Вячэрняя малітва
Пад Твой любячы позірк, Пане, прыношу маю ўдзячнасць за пражыты дзень
і малітву за ўсіх, хто мне сёння сустрэўся.
Разам з Марыяй, Маці Твайго Сына, і з усім народам Тваім
Прашу аб супакоі ва ўсім свеце.
Вітай, Марыя...