Сардэчна вітаем! Запрашаем вас затрымацца на некалькі хвілін у "Прасторы малітвы", каб пабыць з Богам – тут і зараз, перад экранам камп'ютара. У гэтым вам дапамогуць увядзенне ў малітву і ўрывак Святога Пісання, абраны на сёння.
Для разважання і малітвы на гэтым тыдні
Пасля доўгага суму настае момант, калі ты пачуваешся трошкі мацнейшым… З’яўленне мужнасці дае зразумець, што ты ўжо дастаткова моцны, каб пачаць наноў прыстасоўвацца да свету, які ён ёсць, без чалавека, які быццам быў галоўным яго дагматам.
Дзе ва ўсім гэтым Бог?
Гэтымі днямі надзея на ўваскрашэнне ўваходзіць у наш свет. Прайшоўшы праз боль і самоту ад сваёй страты, мы пачынаем бачыць не Езуса, які пакутуе, але Езуса, які лечыць і паўстае з мёртвых. Боль, сум, злосць, віна і ярмо страты паціху падаюць з нашых плячэй. Бог, які працягваў руку падтрымкі свайму журботнаму Сыну Езусу ў Гетсэманскім садзе, робіць тое самае для тых, хто ступіў на сцежку прыняцця. Бог, які выціраў слёзы Марыі, Маці свайго Сына, выцірае слёзы ўсіх, хто смуткуе. Бог лекуе нас дотыкам Айца, які клапоціцца пра журботных, спустошаных і самотных. Шчаслівыя засмучаныя, бо яны суцешаныя будуць (Мц 5:4).
Маргарэт Т Нотан