User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

штодзённая малітва - 2018-01-13

Божая прысутнасць

На імгненне я спыняюся і думаю пра любоў і ласку,
спасланыя мне Богам
Які стварыў мяне на Свой вобраз і падабенства,
Богам, які зрабіў мяне
Сваёй Святыняй...

Свабода

Калі Бог пажадае мне нешта сказаць,
ці зразумею я?
Калі Бог будзе суцяшаць ці выпрабоўваць мяне,
ці я здолею заўважыць?
Я прашу аб ласцы быць свабодным
ад сваёй прадузятасці
і адчыніццца на ўсё, што Бог хоча мне сказаць.

Усведамленне

Я задаю сабе пытанне,
што сёння адбываецца ўнутры мяне.
Ці я занадта стаміўся,
засмучаны або не ў настроі?
І калі гэта так, 
ці ў стане я забыцца пра тое,
што мяне непакоіць?

Слова Божае

Мк 2:13-17

Езус зноў выйшаў да мора. І ўсе людзі прыходзілі да Яго, а Ён навучаў іх. Праходзячы, убачыў Ён Левія, сына Алфея, які сядзеў каля мытні, і сказаў яму: Ідзі за Мною. Той устаў і пайшоў за Ім.

Калі Езус узлягаў за сталом у ягоным доме, шмат мытнікаў і грэшнікаў былі разам з Езусам і Ягонымі вучнямі. Бо шмат было тых, хто ішоў следам за Ім. Кніжнікі і фарысеі, убачыўшы, што Ён есць з мытнікамі і грэшнікамі, казалі вучням Ягоным: Чаму Ён есць і п’е з мытнікамі і грэшнікамі?

Пачуўшы гэта, Езус сказаў ім: Не здаровыя патрабуюць лекара, але хворыя; Я не прыйшоў клікаць справядлівых, але грэшнікаў.

Разважанні да сённяшняга Слова Божага

Active
Default
  • Езус кліча Левія даволі нечакана (якраз падчас працы), але Левій адказвае вельмі ахвотна. Сапраўды, ён узрадаваны так, што ладзіць вялікую вечарыну ў сваім доме дзеля Езуса і Яго вучняў. Ён таксама запрашае некаторых сваіх сяброў. І ўсе йшло добра. Бяда ў тым, што Левій з'яўляецца зборшчыкам падаткаў і мытнікам, і яго сябры былі мытнікамі і іншымі «грэшнікамі». Усімі гэтымі людзьмі пагарджалі ў габрэйскім грамадстве па сацыяльных і рэлігійных прычынах. Што робіць Езус у іх кампаніі? Кніжнікі не ўхваляюць тое, што яны бачаць, і яны выказваюць сваё незадавальненне вучням Езуса.
  • Уся гэтая гісторыя вядзе да незвычайнага і моцнага выказвання. Езус «не прыйшоў клікаць справядлівых, але грэшнікаў». Здаецца, што такой сітуацыі варта пазбягаць, але кампанія «грэшнікаў» з'яўляецца менавіта тым, чаго Езус прагне і шукае. Яны больш за ўсё маюць патрэбу ў аздараўленні ад Езуса. Такі падыход прыдатны сёння ў Касцёле, у парафіі, на працоўным месцы і ў сям'і. Ці нашае добрае стаўленне да іншых ахоплівае ўсіх людзей? Ці змаглі б мы адчуваць сябе камфортна на вячэры ў Левія?

Размова

Езу, Ты заўсёды быў чулы з малымі дзецьмі,
калі сустракаў іх на зямлі.
Навучы па-дзіцячы поўнасцю давяраць Табе
і жыць ва ўпэўненасці,
што Ты ніколі не пакінеш мяне.

Заканчэнне

Хвала Айцу і Сыну, і Духу Святому.
Як была спрадвеку, цяпер і заўсёды,
і на вякі вечныя.

Амэн

Мы будзем рады пачуць вашыя водгукі, прапановы і пажаданні, звязаныя з Прасторай малітвы.

Іншыя матэрыялы ад 'Прасторы малітвы'