User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Пра “Прастору малітвы”

Крыніцай натхнення для “Прасторы малітвы” з’яўляецца духоўнасць св.Ігнацыя Лаёлы, які належаў да народа баскаў і жыў у 16 стагоддзі, заснавальніка Таварыства Езуса (езуітаў). Яго пазнанне Божага дзеяння ўнутры чалавечага сэрца, запісанае ў кнізе «Духоўных Практыкаванняў» і перададзенае яго духоўным сынам, дапамагло бясконцай колькасці людзей на працягу стагоддзяў; яно не перастае быць патрэбным і сёння.

Sacred Space ('Прастора Малітвы') - гэта праект ірландскай правінцыі Таварыства Езуса. Сайт паўстаў у сценах інфармацыйнага цэнтра езуітаў у Ірландыі ў 1999 г. За кароткі час ён стаў шматмоўным.

Выкарыстанне “Прасторы малітвы”

Гэта можа здацца дзіўным - маліцца за камп’ютарам, седзячы за маніторам або выкарыстоўваючы смартфон, асабліва калі вакол знаходзяцца іншыя людзі ці адцягвае ўвагу шум. Але Бог прысутнічае паўсюль, з усіх бакоў, няспынна спрабуючы дакрычацца да нас, нават у сітуацыях, калі Яго прысутнасць здаецца малаверагоднай. Калі мы разумеем гэта, то патрэбна толькі ледзь-ледзь практыкі, і ў нас атрымаецца маліцца ўсюды!

Старонкі сайта будуць суправаджаць вас падчас малітвы на працягу шасці этапаў, сярод якіх як падрыхтоўка цела і розуму, так і завяршальны роздум над урыўкам з Пісання, абраным спецыяльна для гэтага дня. Этапы наступныя:

- Божая прысутнасць

- Свабода

- Усведамленне

-Слова Божае

- Размова

- Заканчэнне

Гэтыя малітвы напісаны ад першай асобы, і яны маюць на ўвазе дзеянне, а не проста чытанне. Кожны этап ўяўляе сабой пэўнае практыкаванне або сузіранне / роздум і накіраваныя на тое, каб дапамагчы вам злучыцца з Богам і лепш убачыць Яго прысутнасць у вашым жыцці.

Тэксты Пісання

У якасці біблейскага тэксту для разважання звычайна бярэцца літургічнае чытанне Рымскай Каталіцкай Царквы. Выкарыстоўваецца пераклад Бібліі, здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ (www.catholic.by)

Іншае

Прадстаўленне, змест і тэксты, якія выкарыстоўваюцца на сайце, распрацаваны ў супрацоўніцтве з моўнымі камандамі розных краін. Па пытаннях узнаўлення асобных тэкстаў і іх частак вы можаце звярнуцца да адказнага за выпуск беларускай версіі (гл. раздзел Кантакты)