User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Сённяшняя малітва з Папам

снежня 2018
Штодзённае прынашэнне : 

Ласкавы Ойча, я вельмі ўдзячны за тое, што адчуваю Тваю прысутнасць ва ўсіх рэчах і праявах штодзённага жыцця. Дапамажы супрацоўнічаць з Табой у будаванні адзінства ва ўсім свеце. Ахвярую Табе сённяшні дзень за Касцёл і ўвесь свет з малітвай у інтэнцыі папы Францішка на гэты месяц.
Ойча наш…
 

Інтэнцыі гэтага месяца:
Евангелізацыйная: 

Каб асобы, уцягнутыя ў паслугу перадачы веры, здолелі знайсці мову, характэрную для сучаснасці, якая б падыходзіла для дыялогу з культурамі.

Разважанне

Вера перадаецца не толькі шляхам традыцыйнага абвяшчэння хрысціянскага вучэння, але і праз асабісты досвед чалавека. Свет, які нас атачае, ''прамаўляе'' значна глыбей, калі мы можам да яго дакрануцца, убачыць, пачуць... Тое ж самае адбываецца і з верай. Лепш за ўсё яна перадаецца праз дыялог між Езусам і чалавецтвам, які закранае ўласцівыя чалавеку страхі і надзеі ў атмасферы глыбокай пашаны і захаплення таямнічай веліччу Божага тварэння. Тым не менш, мова Касцёла і Святога Пісання часта застаецца незразумелай, таму трэба зрабіць усё магчымае, каб голас Бога мог дасягнуць сэрца і розума чалавека.

Возьмем, напрыклад, словы Яна Хрысціцеля: “Вось Баранак Божы, які бярэ на сябе грэх свету”. (Ян 1:29) Езус вызваляе нас ад атрутнай моцы граху: любоўю перамагае нянавісць, Божай ласкай – гнеў, благаслаўленнем –  зайдрасць, цяплынёй – жорсткасць і прабачае кожнае ўчыненае Яму зло. Хрысціяне пакліканы рабіць тое самае. Такі адказ на грэх свету ніколі не бывае лёгкім, але менавіта гэта меў на ўвазе Езус, калі заклікаў “узяць свой крыж”. Шчыра ўглядаючыся ў гісторыю народаў, з іх надзеямі і страхамі, і прыслухоўваючыся да Евангелля, мы молімся, каб асобы, уцягнутыя ў паслугу перадачы веры, здолелі знайсці мову, характэрную для сучаснасці, якая б падыходзіла для дыялогу з культурамі.

- Філін Фогарці SJ, з кнігі Living Prayer

Іншыя матэрыялы ад 'Прасторы малітвы'