User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Сённяшняя малітва з Папам

кастрычніка 2018
Штодзённае прынашэнне : 

Ойча Добры, на світанні новага дня, я дзякую Табе за прыгажосць маленькіх рэчаў, якія Ты даеш мне. Праз дзеянне ўва мне Твайго Духа ўчыні мяне ўважлівым і чуллівым да свету, у якім я жыву. Я ахвярую Табе свой сённяшні дзень за Касцёл і ў інтэнцыі Святога Айца на гэты месяц.
 

Інтэнцыі гэтага месяца:
Евангелізацыйная: 

Каб кансэкраваныя асобы абудзілі місійны запал і прысутнічалі сярод убогіх, прыгнечаных і тых, хто пазбаўлены голасу.
 

Разважанне

Папа Францішак ведае, што бедныя пакутуюць, і ён бачыць, што іх маргіналізацыя і пазбаўленне голасу – плён нашага часу і ладу жыцця. Ён таксама ўсведамляе прароцкую і ўплывовую ролю ўдзелу вернікаў у вырашэнні гэтай праблемы.

Ён запрашае нас прыняць пад увагу перамяняючую моц Евангелля для бедных нашага часу, калі мы будзем дзейнічаць, згодна з Пісаннем.

Папа Францішак таксама прагне нагадаць нам прыхаваную сілу бедных у перамяненні нас, веруючых.

Бедныя і безабаронныя людзі маюць своеасаблівую таямнічую моц, якая можа быць сакрэтам для іх саміх. Яны могуць змяняць нас, калі мы чуйна прыслухоўваемся да іх. Толькі тады мы можам быць іх голасам.

Бедныя з’яўляюцца нашымі настаўнікамі. Калі мы слухаем бедных, мы чуем іх сілу, іх боль, іх мудрасць і вучымся бачыць магчымасці зменаў да лепшага. Слуханне бедных вызваляе нас ад замкнёнасці ў сваіх забабонах. Гэта і ёсць дар, які бедныя і патрабуючыя даюць нам. Калі мы слухаем бедных з адкрытым сэрцам, мы адкрываем, што яны – нашыя браты і сёстры, і адносіны з імі перамяняюць нас.

- Сястра Стэн Кенэдзі, фрагмент з кнігі Living Prayer

Іншыя матэрыялы ад 'Прасторы малітвы'